ياقلب صبرك يمكن الحظ بيقوم..
ارجوك لاتحرمني اللي بغيته..
يمكن تجينا عنهم علوم وعلوم..
ويمكن بيرجع قصره اللي بنيته..
ويمكن يحس بضيقة انسان محروم..
ويمكن يحس بدمعتي اللي بكيته..
ويمكن يشوف الظلم بعيون مظلوم..
وبشوف في دنياي وش هو جنيته..
ياقلب لاتأخذ على الحب وتلوم..
ارضي بواقع دنيتي لو رضيته..
ياقلب..احبه حب وافي ومحشوم..
واصدق مواثيق المحبه عطيته..
اي ولله احبه وبرضاه ملزوم..
ومادام فيني روح..روحي فديته..
وعيني لك الله عايفه لذه النوم..
وياكم ليل الشوق وحدي سريته..
وسهر مع أفكاري على قاف منظوم..
وهاجس شعوري لابغيته نخيته..
ياقلب لو عانيت من حزن وهموم..
بأصبر ولو ضيم الزمن ماقويته..
اقسم بوبي ماهجرته ولايوم..
واللي خلق نور القمر مانسيته..
ياقلب صبرك يمكن الحظ بيقوم..
تكفى تساعدني على مابغيته..
كلمات اعجبتنى واحسست انها قريبه منى
